Քայլեր Դեպի Աղոթքի Պատասխանները

Հակոբոս 1.6-8 

6 «Միայն թե թող հավատքով խնդրի` առանց երկմտելու, որովհետև երկմտողը նման է ծովի հողմակոծված և տատանված ալիքին: 

 7 Այն մարդը թող չկարծի, որ Տերից մի բան կառնի: 

8 Երկմիտ մարդը անհաստատ է իր բոլոր ճանապարհներում»:

Այս խոսքերը մեզ ցույց են տալիս վճռականության կարևորությունը: Հակոբոսն ասում է, որ եթե մարդը տատանվում է ու չի կարողանում որոշումներ կայացնել, նա «անհաստատ է իր բոլոր ճանապարհներում», և Տիրոջից ոչ մի սպասելիքներ թող չունենա: Հաճախ մենք անորոշ ենք մեր աղոթքների մեջ: Երբ մարդկանց հարցնում եմ, թե ինչի համար են աղոթում, երբեմն պատասխանում են, որ չգիտեն: Մի անգամ ինչ-որ մեկն ասաց` աղոթում է ուղղակի աղոթելու համար: Իհարկե, կա աղոթքի մի տեսակ, երբ աղոթում ենք Աստծուն երկրպագելուև Նրա հետ հաղորդակցվելու համար, բայց այժմ մենք գործ ունենք մասնավորապես այնպիսի աղոթքների հետ, որոնք պատասխանվում են: Աղոթքի պատասխանը կուշանա, եթե մեր աղոթքի մեջ վճռական չլինենք: Եթե դու խանութում առանց որևէ բան գնելու ցանկանաս քարտ օգտագործել, մարդիկ քեզ տարօրինակ կհամարեն: Երբ երեխային ուղարկում ես խանութ որոշակի ապրանքներ գնելու, և նա գնում է հենց այն, ինչ նրանից պահանջվել է, ապա նա ճիշտ է կողմնորոշվել: Նույնը ճիշտ է նաև աղոթքի համար: Լավ կլինի աղոթել երկու կամ երեք րոպե և իմանալ, թե ինչի համար է աղոթքը, քան աղոթել երկու կամ երեք ժամ` աննպատակ: Կողմնորոշվի՛ր, թե ինչ ես ուզում ստանալ Աստծուց և հստա՛կ եղիր:

Քայլ 2. Կարդա՛ Խոսքեր, որոնք խոստանում են պատասխանել  քո աղոթքին 

Հեսու 1.8

«Այս օ րենքի գիրքը քո բերանից չհեռանա, այլ գիշեր ու ցերեկ նրա վրա մտածես, որ պահես ու կատարես ամբողջ նրա միջի գրվածի պես. որովհետև այն ժամանակ ճանապարհները հաջողակ կանես և այն ժամանակ խելամուտ կլինես»: 

Մեր աղոթքի կյանքում հաջողակ լինելու համար, Աստծո Խոսքը պետք է միշտ մեր կյանքում առաջնահերթ լինի: Մենք սնվում ենք Նրա Խոսքով, դրա համար այն պետք է հաստատենք մեր գիտակցության մեջ, հետագայում պատրաստված լինելու համար: Երբ սատանան փորձում է մեր մեջ անվստահություն սերմանել Աստծո նկատմամբ և հափշտակել այն, ինչ մենք ցանկանում ենք, մեզ անհրաժեշտ է համապատասխան խոսքեր օգտագործել: Անապատում սատանան փորձեց Հիսուսին` ասելով, որ քարը հաց կդարձնի: Հիսուսն էլ պատասխանեց Խոսքով. «…գրվա՛ծ է` ոչ միայն հացով կապրի մարդ, այլ Աստծո ամեն Խոսքով»: Դրանից անմիջապես հետո սատանան Նրան մի բարձր սարի վրա հանեց և ցույց տվեց աշխարհի թագավորությունները: Կրկին փորձելով Հիսուսին` ասաց, որ եթե երկրպագի իրեն, այդ ամենը Նրան կտա: Հիսուսը կրկին պատասխանեց. «…գրվա՛ծ է` միայն քո Տեր Աստծուն պետք է երկրպագություն անես և միայն Նրան պաշտես» (անգլ.` ծառայես): Այս անգամ սատանան Նրան տարավ տաճարի աշտարակի վրա կանգնեցրեց և ասաց. «…քեզ վա՛յր գցիր…»: Հիսուսը դարձյալ պատասխանեց Խոսքով. «...գրվա՛ծ է` մի՛ փորձիր քո Տեր Աստծուն» (Ղուկ. 4.3-12): Հիսուսը սատանային պարտության մատնելու համար օգտագործեց այն նույն զենքը` Աստծո Խոսքը, որն այսօր ունեն բոլոր հավատացյալները: Յուրաքանչյուրս փորձության մեջ ընկնելիս պետք է ասենք` «գրվա՛ծ է»: Ե թե Խոսքերը հաստատված են մեր սրտում, մենք պատրաստ ենք ցանկացած պահին հակահարված տալ սատանային: Տարբեր իրավիճակներում առաջնորդվելու համար Խոսքեր փնտրիր, որ տեսնես` ինչ է ասում Աստված: Նրա Խոսքը պարզ ցույց է տալիս Նրա կամքը: Եթե Խոսքը չի խոստանում այն, ինչ փնտրում ենք, ուրեմն դրա համար աղոթելու կարիք չկա: Մենք չպետք է ցանկանանք այն, ինչին Աստծո Խոսքը դեմ է: Իսկ երբ աղոթում ենք Խոսքին համապատասխան, մենք կարող ենք վստահ լինել, որ Աստված լսում է մեզ: Տարիներ առաջ Աստվածաշնչիս մեջ կարմիր թանաքով գրեցի. «Աստվածաշնչում ասվում է, ես հավատում եմ, և դա կլինի»: Շատ մարդիկ փորձում են իրենց հավատքից վեր աղոթքներ անել: Աստծո Խոսքը հավատք է տալիս: «Հավատքը լսելուց է, իսկ լսելը` Աստծո Խոսքից» (Հռոմ.10.17): Մարդիկ վստահությամբ կամ հավատքով չեն աղոթում, որովհետև լավ չգիտեն Խոսքը: Աղոթում են` չիմանալով` Աստծո կա՞մքն, թե՞ ոչ: Նրանք միայն հույս ունեն, որ այդպես է: Քանի որ մենք կարդում ենք Աստծո Խոսքը և սովորում Նրա կամքը, մեր յուրաքանչյուր կարիքի համար կարող ենք կիրառել Նրա խոստմունքները:

Քայլ 3. Ինչ որ ուզում ես` խնդրիր Աստծուց