Միտքը Կռվի Դաշտն է

(0)

Գին: Անվճար
Հեղինակ: Ջոյս Մայեր
Կոդ: JM01
Formats available: pdf

Դիտում

Նկարագրություն
Կարծիքներ

Վերահրատարակման ներածական

«Միտքը կռվի դաշտն է» գրքի բնագիրը խմբագրվել է 1995 թվականին: Ինձ համար շատ հաճելի է ասել, որ այս գիրքը տարիներ շարունակ համարվում է իմ ամենալավ վաճառվող գիրքը: Անգլերենով այն վաճառվել է ավելի քան 3 մլն օրինակ: Գիրքը թարգմանվել է քառասունյոթ լեզուներով, և այն դեռևս շարունակվում է թարգմանվել այլ լեզուներով: Գիրքն այնքան նպաստող դեր է ունեցել մարդկանց կյանքում, որ մենք ստեղծեցինք նոր հրատարակումներ մանուկների և դեռահասների համար, ինչպես նաև ամենօրյա ուղերձներ՝ հիմնված այս գրքի սկզբունքների վրա: Մեր ծառայությունը շատ վկայություններ է ստացել այն մարդկանցից, ովքեր այս գիրքը կարդալու և նրանում գրված աստվածաշնչ յան սկզբունքները կիրառելու արդյունքում իրենց կյանքում ունեցել են դրական փոփոխություններ: Մարդիկ ազատագրվել են տարբեր տեսակի կապվածություններից, մարսողական խանգարումներից, վախից, անհանգստությունից, ինքնատելությունից և բազում այլ խնդիրներից: Հիշում եմ մի կնոջ, ով պատմում էր, թե ինչպես է իր կյանքին վտանգ սպառնացող մարսողական խանգարումների պատճառով երկար տարիներ բուժման ծրագրեր իրականարցել: Նրա ծնողներն ավելի քան հարյուր հազար դոլար են ծախսել, սակայն նրա առողջությունն այդպես էլ չի վերականգնվել: Այդ կինը վաղուց արդեն կորցրել էր երբևէ առողջանալու հույսը... բայց մեկ օր կարդաց «Միտքը կռվի դաշտն է » գիրքը: Նա նշում է, որ երբ սկսում էր զգալ շատ ուտելու գայթակղությունը, որին հետևում էին փսխումները, նա ծնկում էր հենց զուգարանի առջև և սկսում էր աղոթել ու բարձրաձայն կարդալ «Միտքը կռվի դաշտն է» գիրքը, մինչև գայթակղության զգացողությունն անցնում էր. այդ ամենը երկար տարիներ խլել էր նրա կյանքը: Այսօր այդ կինը միանգամայն ազատ է այդ հիվանդությունից: Հիմա նա օգնում է այն մարդկանց, ովքեր տառապում են դրանից: Մեկ այլ պատմություն, որի մասին խոսելով ես չափազանց օրհնվում եմ: «Բարնս և Նոուբլ» գրախանութում մի հրեա տղամարդ պատահաբար հայտնվում է գրքերի կապոցների կողքին: Երբ սկսում է դասավորել գրքերը, ձեռքն է ընկնում «Միտքը կռվի դաշտն է» գիրքը: Հրեա տղամարդը բացում է այն` զվարճալի որևէ բան գտնելու ակնկալիքով: Եվ այնպես է ստացվում, որ նա գնում է այդ գիրքը, սակայն թաքցնում է իր կնոջից, որովհետև չի ցանկանում՝ կինն իմանա, որ քրիստոնյա հեղինակի գիրք է կարդում: Նա սկսում է ավելի շատ հետաքրքրվել իր կարդացածով, այնուհետև Աստվածաշունչ է գնում, որը նույնպես թաքցնում է: Իվերջո բացահայտվում է, որ այդ տղամարդու կինը նույնպես գաղտնի կերպով Աստվածաշունչ է կարդում: Նրանք երկուսն էլ ընդունում են Հիսուսին՝ որպես իրենց Փրկիչ, և շատ ընտանիքների էլ օգնում են` ընդունել Հիսուսին և փրկություն ստանալ: Մեր կյանքը փոխվում է այն ժամանակ, երբ բացահայտում ենք, որ մեր խնդիրների արմատը սխալ մտքերն են, և, որ մենք կարող ենք մեր մտքերը փոխելով` փոխել մեր կյանքը: Աստծո Խոսքը սովորեցնում է մեզ, որ մեր միտքը պետք է նորոգված լինի այնպես, որ սովորենք մտածել Աստծո նման: Սա անելով, կարող ենք վայելել այն ազատ, պտղաբեր, խաղաղ և ուրախ կյանքը, որն Աստված է ցանկանում, որ ունենանք: Երբ մենք սովորում ենք ընտրել մեր սեփական մտքերը և թույլ չենք տալիս սատանային, որ մեր միտքը լցնի կործանող մտքերով, այդ ժամանակ մեր առջև բացվում է մի նոր աշխարհ: Մենք պետք է սովորենք պատասխանատվություն կրել մեր մտքերի ու խոսքերի համար, որովհետև դրանցից են ծնվում մեր գործողությունները: Անհնար է վատ բաներ մտածելով՝ լավ վարք ունենալ: Մեր հեռուստադիտողները գրեթե միշտ ընտրում են այն հաղորդումները, որոնք իրենց մտածելակերպով, ամենասիրելի հաղորդումներից են: Իսկ գիտե՞ք, թե ինչու... որովհետև ավելի շատ խնդիրներ առաջացնում են մեր մտքերը, քան որևէ այլ բան: Մենք ուզում ենք մտքի խաղաղություն, առողջ մտածելակերպ, ուզում ենք ոչ թե դժբախտություն ծնող մտքեր, այլ` կյանք տվող մտքեր: «Միտքը կռվի դաշտն է» գիրքը սովորեցնում է մեզ, որ կարող ենք անել դա, և ցույց է տալիս, թե ինչպես պետք է անել: «Միտքը կռվի դաշտն է» գրքի այս հատուկ վերախմբագրական աշխատանքներն իրականացնելու համար ես կարիք ունեցա կարդալու այն ամբողջությամբ: Եվ իսկապես այն ինձ շատ է դուր գալիս: Այս գիրքը գրելուց հետո ես այն չէի կարդացել, իսկ երբ կարդացի, ինքս էլ շատ քաջալերվեցի ու շինություն ստացա: Հեշտ է կարդալ և ընդունել այն հիմքային ճշմարտությունը, որը պետք է ունենանք նոր կյանք սկսելու համար, որն էլ տեղի է ունենում Քրիստոսի հետ ունեցած մեր փոխհարաբերության միջոցով: Այս խմբագրման մեջ ես ավելացրել եմ որոշ նոր նյութեր, որոնք առաջին հրատարակումից սկսած՝ արտացոլում են տարիների ընթացքում Աստծո կողմից ինձ տրված պատկերացումներն ու ուսումնասիրությունները: Ինչպես նաև ներառել եմ որոշ բաներ, որոնք ցույց են տալիս, թե ինչպես է Աստված շարժվել իմ կյանքի այն իրավիճակներում, որոնց մասին ես քննարկում եմ իմ առաջին հրատարակութ յան մեջ: Ես շատ ուրախ եմ, որ դու սկսել ես կարդալ այս գիրքը, որովհետև միանգամայն վստահ եմ, որ այն կփոխի քո կյանքը: Ես հավատում եմ, որ այս գիր քը շատ օգտակար կլինի քեզ համար` լինես դու նորահավատ, թե` տարիներ շարունակ Աստծո հետ քայլող անձնավորություն: Աղոթում եմ, որ դու վայելես այս գիրքը, և թող այն օրհնություն բերի քո կյանքում:

Ներածություն

Ինչպե՞ս կարող ենք բավարար կերպով արտահայտել մեր մտքերի կարևորությունը, որպեսզի փոխանցենք Առակաց 23.7-ի իրական նշանակությունը. «Որովհետև նա [որևէ անձ] ինչպես որ իր սրտում հաշիվներ անող է` այնպես է...» (AMP): Որքան երկար եմ ծառայում Աստծուն, այնքան շատ եմ հասկանում մտքերի և խոսքերի կարևորությունը: Ես միանգամայն հստակ զգացի, թե ինչպես է Սուրբ Հոգին առաջնորդում ինձ այս բնագավառներն ուսումնասիրելու հարցում: Ես միշտ ասել եմ և ինքս էլ հավատում եմ, որ ճիշտ է այն, որ` քանի դեռ մենք այս երկրի վրա ենք, միշտ էլ կարիք կունենանք ուսումնասիրել մտքերի և խոսքերի բնագավառները: Նշանակություն չունի, թե որքան բան գիտենք որևէ բնագավառի մասին: Սովորելու համար միշտ էլ կգտնվի նորը: Կան որոշ բաներ, որոնք մենք նախապես սովորել ենք և դրանք թարմացնելու կարիք ունենք: Ո՞րն է Առակաց 23.7-ի իրական նշանակությունը: Քինգ Ջեյմսի աստվածաշնչյան թարգմանության մեջ այսպես է ասվում. «Նա [մարդը] ինչպես մտածում է իր սրտում, այնպիսին է նա»: Մեկ այլ թարգմանությունում ասվում է. «Մարդն ինչպես մտածում է իր սրտում, այնպիսին էլ դառնում է»: Միտքը բոլոր գործողությունների առաջնորդն ու «նախակարապետն» է: Հռոմեացիների 8.5-ում ասվում է. «Որովհետև նրանք, ովքեր վարվում են մարմնով, վերահսկվում են՝ իրենց մտքերը անսուրբցանկություններով կապված և անում են այն բաները, որոնք հաճելի են մարմնին, բայց նրանք, ովքեր վարվում եմ Հոգով, վերահսկվում են՝ իրենց մտքերը Հոգու ցանկություններով կապված և փնտրում են այն բաները, որոնք հաճելի են [Սուրբ] Հոգուն» (AMP): Մեր գործերը հանդիսանում են մեր մտքերի անմիջական արդյունքը: Եթե մենք ունենք բացասական միտք, ապա մենք կունենանք բացասական կյանք: Մյուս կողմից, եթե մենք նորոգում ենք մեր միտքն Աստծո Խոսքի համաձայն, ապա ինչպես Հռոմեացիների 12.2-ում է գրված, մեր փորձառությամբ կապացուցենք «Աստծո բարի, հաճելի և կատարյալ կամքը» մեր կյանքում: Ես այս գիրքը բաժանել եմ երեք հիմնական մասերի: Առաջին մասը վերաբերում է մտքերի կարևորությանը: Ես ցանկանում եմ ձեր սրտում ամուր կերպով հաստատել մի բան` դուք պետք է սկսեք մտածել այն մասին, թե ինչ եք մտածում: Շատ մարդկանց խնդիրներն արմատացած են հենց իրենց մտածելակերպի ձևերի մեջ, որն էլ իսկապես խնդիրներ է առաջացնում նրանց կյանքում: Սատանան ամեն մեկին առաջարկում է սխալ մտածելակերպ, բայց չպետք է ընդունել նրա առաջարկը: Սովորի՛ր, թե ինչպիսի մտածելակերպն է ընդունելի Սուրբ Հոգունև` ինչպիսի մտածելակերպն է անընդունելի Նրան: Կորնթացիների երկրորդ թղթի 10.4,5 խոսքերը հստակ ցույց են տալիս, որ մենք այնքան լավ պետք է իմանանք Աստծո Խոսքը, որ կարողանանք համեմատել մեր և Աստծո մտքերը. «...ցանկացած միտք, որ գոռոզանում է Աստծո Խոսքի դեմ, մենք խորտակում և գերի ենք վերցնում` Հիսուս Քրիստոսին հնազանդեցնելու համար»: Աղոթում եմ, որ այս գիրքն օգնի քեզ անելու այդ: Միտքը կռվի դաշտն է, ուստի անհրաժեշտ է մեր մտքերն Աստծո մտքերի հետ նույն գծի վրա պահելը: Սա ընթացք է, որը ժամանակ և ուսում է պահանջում:

Երբե՛ք չ հանձնվես, որովհետև դու կամաց-կամաց պետք է փոխվես: Որքան լավացնես քո միտքը, այնքան քո կյանքը կլավանա: Երբ դու քո մտքում սկսես տեսնել Աստծո բարի կամքը քեզ համար` դու կսկսես ապրել այդպես:

Գլուխ 1

Միտքը կռվի դաշտն է

Աստվածաշնչյան այս մեջբերումը ցույց է տալիս, որ մենք պայքարի մեջ ենք: Հետևյալ խոսքն ուշադրությամբ ուսումնասիրելով հասկանում ենք, որ մեր պայքարը ոչ թե ուրիշ մարդկային արարածների դեմ է, այլ` սատանայի և նրա դևերի: Մեր թշնամին` սատանան, փորձում է ռազմավարություն ու խորամանկություն կիրառելով` հաղթել մեզ և օգտագործել նախապես լավ ծրագրավորված ու կանխամտածված սուտը: Սատանան ստախոս է: Հիսուսը նրան անվանեց «ստի հայր և այն ամենի, որ սուտ է» (Հովհ. 8.44, AMP): Նա խաբում է և՛ ձեզ, և՛ ինձ: Նա մեր կամ ուրիշների մասին բաներ է ասում, որոնք սակայն ճիշտ չեն: Սատանան մեզ միանգամից չի ասում ամբողջ սուտը: Նա սկսում է ռմբակոծել մեր միտքը նախապես խելամտորեն մշակված մանր ու կրծող մտքերի, կասկածների, ենթադրությունների, վախերի, հետաքրքրությունների, փաստարկների և տեսությունների միջոցով: Նա շարժվում է դանդաղորեն ու զգուշորեն (իվերջո, լավ մշակված ծրագիրը ժամանակ է պահանջում): Հիշե՛ք, որ սատանան մշակած ռազմավարություն ունի իր պայքարի համար: Նա երկար ժամանակ ուսումնասիրում է մեզ: Նա գիտի, թե ինչ ենք մենք սիրում և ինչ չենք սիրում: Նա գիտի մեր անվստահության, մեր թույլ կողմերի և մտավախությունների մասին: Սատանան գիտի, թե ինչն է մեզ ամենից շատ անհանգստացնում, և մեզ հաղթելու համար նա ներդնում է ժամանակի ամեն մի ակնթարթը: Սատանայի ուժեղ կողմերից մեկը նրա համբերութ յունն է։

ԲԵՐԴԵՐ ԵՆՔ ՔԱՆԴՈՒՄ

«Որովհետև մեր զինվորության զենքերը ֆիզիկական չեն [մարմնի ու արյան զենքեր], այլ` Աստծով զորավոր՝ բերդեր քանդելու և խորտակելու, [քանի որ մենք] հերքում ենք փաստերն ու տեսությունները և հավաստիացումները, և ամեն մի հպարտ ու գոռոզ բան, որ ինքն իրեն բարձրացնում է Աստծո [ճշմարիտ] գիտության դեմ. և մենք առաջնորդում ենք ամեն մի միտք ու գերի ենք բռնում ամեն մի նպատակ` Քրիստոսին [Մեսիային, Օծյալին] հնազանդեցնելու համար»: Բ Կորնթացիների 10.4,5, AMP

Սատանան հստակ ռազմավարութ յան և խորամանկ ստի միջոցով փորձում է «բերդեր» կառուցել մեր մտքում: Իսկ մեր մտքում այդ «բերդն» այն բնագավառն է, որտեղ մենք գտնվում ենք կապվածության մեջ (բանտում)` մեր իսկ որոշակի մտածելակերպի պատճառով: Վերոհիշյալ տողերում Պողոս առաքյալն ասում է, որ մենք ունենք այն զենքերը, որոնցով կարող ենք քանդել սատանայի բերդերը: Այդ զենքերի մասին մենք կխոսենք ավելի ուշ, բայց հիմա, խնդրում եմ, որ ուշադրություն դարձնես այն բանին, որ մենք կրկին պայքարի և հոգևոր պատերազմի մեջ ենք: Կորնթացիների երկրորդ թղթի 5-րդ խոսքը մեզ հստակ ցույց է տալիս, թե որտեղ է տեղի ունենում այդ պայքարը: Աստվածաշնչ յան ժամանակակից թարգմանության մեջ այս խոսքում ասվում է, որ մենք վերցնում ենք այդ զենքերն ու հերքում ենք փաստարկները: Սատանան բանավիճում է մեզ հետ` առաջարկելով տարբեր տեսություններ ու դատողություններ: Բոլոր այս գործողություններն իրականացվում են մտքում: Միտքը կռվի դաշտն է:

Վարկանիշներ

0 reviews

Նմանատիպ գրքեր