Հավատքից Հավատք

Ուրախ Նոր տարի

 «Որովհետև ով որ Տիրոջ անունը կանչի, կապրի»: Հռոմեացիների 10.13

Այսօր մարդիկ ամենուր հավաքվում են տոնելու Նոր տարվա առաջին փայլուն ակնթարթները: Սակայն շատ ու շատ մարդկանց համար այսօրը կարող է լինել կյանքի ամենադժվարին 24 ժամը: Նրանց համար Նոր տարին մշուշի նման կհիշեցնի իրենց միայնակությունն ու պարտությունները` պարզապես ընդգծելով անհաջողություններով լի մեկ այլ տար վա սկիզբը: Իսկ քեզ համար ինչպիսի՞ն է Նոր տարին: Ինչպիսի՞ն պետք է լինի այս տարին քեզ համար: Գուցե արտաքինից բավականին զվարթադեմ ես և շատերի նման շռայլում ես քո տոնական ժպիտներն ու բարեմաղթանքները, բայց ներսումդ ամեն ինչ տակնուվրա է լինում: Գուցե հուսահատված ես, և թվում է` այլևս չես կարող այսպես շարունակել: Եթե այդպես է, ուզում եմ, որ մի բան իմանաս: Այդ մղձավանջը կարող է մեկ ակնթարթում փոխվել: Այսօր կարող ես կյանքդ նորից սկսել և այս Նոր տարին դարձնել կյանքիդ ամենաուրախ օրը: Քանի՞ անգամ ես ինքդ քեզ ասել. «Եթե կարողանայի ամեն ինչ նորից սկսել, ամեն բան այլ կերպ կանեի»: Բայց դա չպետք է լոկ երազանք լինի: Իրականում  Հիսուս Քրիստոսը դա հնարավոր է դարձրել: Դա Նրա Սուրբ Ծննդյան նվերն է քեզ: Նա վճարել է քո բոլոր մեղքերի գինը և սխալների տույժը: Դրա համար Նա եկավ աշխարհ: Դրա համար Նա ծնվեց, որպեսզի դու կարողանաս ամեն ինչ նորից սկսել: Գուցե ետ նայելով ասես. «Բայց չէ՞ որ ես սարսափելի սխալներ եմ գործել: Ես ստոր բաներ եմ արել»: Դա էական չէ: Հիսուսը այդ ամենի գինը վճարել է: Ինչպե՞ս կարող ես ամեն բան նորից սկսել: Հռոմեացիների 10.9-ում ասվում է. «Եթե բերանովդ Հիսուսին Տեր դավանես և սրտումդ հավատաս, որ Աստված հարություն տվեց Նրան մեռելներից, կփրկվես»: Դա այնքան հեշտ է, պարզապես պետք է ասել. «Հիսո՛ւս, ես իմ կյանքը տալիս եմ Քեզ: Այսօրվանից ես Քոնն եմ»: Որքա˜ն հիասքանչ է նոր կյանք սկսել հենց Նոր տարվա առաջին օրը: Այս պահին որտեղ էլ որ լինես, հանձնի՛ր քո կյանքը Հիսուսին: Հետո վե՛ր կաց, ցնծա՛ ու աղաղակի՛ր. «Փա՜ռք Աստծուն, ես ամեն ինչ նորից եմ սկսում...»: Ասա՛ այս խոսքերը և այնժամ իսկապես կհասկանաս, թե ինչ է նշանակում ուրախ Նոր տարի: ԱՍՏՎԱԾԱՇՆՉՅԱՆ ԸՆԹԵՐՑՈՒՄ Հռոմեացիների 10.13

Հունվարի 2

Նայի՛ր վեր